الدفع عند الاستلامبيوصل خلال 3 لـ 5 أياممنتّصل نأكّد طلبكقياس واحد، لأي إجر
البانيون بيوجع أكتر شي آخر النهار
مع المسا بيكون المفصل وارم، الصباط بيصير ضيّق، والوجع بيضلّ معك لحدّ التخت. مقوّم غينورا بيمسك إبهام إجرك بوضعية أعدل وقت ما تكون مرتاح — هيك بيخفّ الضغط عن المفصل وبيصير أوّل الصبح أهون.
أكتر من 200 قطعة وصلت لكل لبنان من حزيران.
جرّبت واحد قبل وما عمل شي؟
مش إنت بس. أغلب يلي بينباع رخيص هون يا لبّادة سيليكون يا شريط ثابت — شدّة وحدة لكل الإجرين، وبيفلت من محلّو بالليل. إذا هيدا يلي صار معك، المشكلة ما كانت فيك.
هيدا بيتظبّط. إنت بتحدّد الشدّ أوّل ليلة على قد ما إجرك بتتحمّل، وبتزيدو كل ما تتعوّد. هيدا الفرق، وهيدا يلي بيعيدوه بالتقييمات تحت.
ومنّا رح نقلّك إنو النتوء بيروح. اقرا لمين بيفيد — ولمين لأ تحت؛ منحكي صراحة. يلي بيعملو إنو بيشيل الضغط عن المفصل فيصير آخر النهار أهون.
شو بيعمل
-
بيشيل الضغط — بيلبّد المفصل، فبتصير الوقفة والمشي أسهل آخر النهار.
-
بيرجّع الإصبع لوضعية أعدل — شدّ خفيف وثابت، مش شدّة وحدة.
-
إنت يلي بتحدّد الشدّ — من خفيف كتير لحدّ قوي. القرار إلك، مش للشدّاد.
-
مريح لدرجة بتنساه — قماش خفيف وبيتنفّس، بيقعد تحت الكلسة بدون ما يتكرمش.
-
قياس واحد، لأي إجر — ما في قياسات تغلط فيها. بيمشي عاليمين وعالشمال.
كيف بتلبسو
- مرّق الشريط حول إبهام إجرك ولفّ الشريط العريض حول مشط القدم، بحيث تقع اللبّادة عالنتوء.
- شدّ لحدّ ما تحسّ بمسكة ثابتة — مش لحدّ ما يقرص، ولا لحدّ ما يخدّر الإصبع.
- ابدا بـ 20 لـ 30 دقيقة وإنت قاعد. زيد الوقت شوي شوي كل ما تتعوّد.
لمين بيفيد — ولمين لأ
بيفيدك إذا عندك بانيون خفيف لمتوسط، أو إجريك بتوجعوك بعد نهار طويل وقوف، أو بدّك راحة بدون ما تفوت عالعمليّة.
ما بيفيدك إذا كنت متوقّع إنّو يشيل البانيون نهائياً، أو عندك تشوّه قوي والدكتور قلّك بدّو عمليّة. هيدا جهاز راحة ودعم. بفضّل قلّك هلق بدل ما آخد مصاريك.
خود تنين ووفّر 14%
أغلب الناس بتطلب تنتين — وحدة لكل إجر، أو وحدة بتضلّ بالشغل. ضيف التانية والحسم بينزل لحالو عند الدفع. ما في كود ولا شي.
لسّا مش متأكّد؟ ابدا بواحد. إذا فادك، اطلب التاني للإجر التانية بعدين.
أسئلة بتجي كتير
فيني مشي وأنا لابسو؟
مسافات قصيرة بالبيت، إي. بس هوّي معمول للراحة والنوم والحركة الخفيفة — مش لتلبسو جوّا الصباط طول النهار.
إيمتى بحسّ بفرق؟
أغلب الناس بتحسّ الضغط عم يخفّ من أوّل مرّة. أمّا وضعية الإصبع نفسها فبتتغيّر شوي شوي، وبدها استعمال منتظم لأسابيع.
بيجي على قياس إجري؟
قياس واحد مع شريط بيتظبّط، معمول ليجي على أغلب إجرين الكبار. ما في شي تقيسو ولا شي تغلط فيه وقت ما تطلب.
بيوجع وقت ما بلبسو؟
المفروض لأ. إذا قرص أو خدّر إصبعك، يعني الشدّ زيادة — رخّيه. ثابت تمام، مشدود لأ.
بدفع قبل ما يوصل؟
لأ. بتدفع للدليفري كاش لما يوصل عند بابك. وإذا بتفضّل تدفع بالبطاقة عالموقع، هيدا كمان متاح.
وإذا ما عجبني؟
منتّصل نأكّد كل طلب قبل ما نبعتو، فما بيوصلك شي ما وافقت عليه. بعد ما يوصل، أي شي لسّا غير مستعمل وبعلبتو منبدّلو أو منرجّعو خلال 30 يوم — واتساب 76 723 276. بس بعد ما ينلبس ما بنعرف نرجّع نبيعو، فما بنقدر ناخدو. مع هيك راسلنا: أغلب الوقت "ما عم يزبط" بتطلع مسألة شدّ أو مدّة لبس، ومنحلّا معك عالواتساب.
المواصفات
- القياس: قياس واحد، شريط بيتظبّط
- اللبس: إجر يمين أو شمال
- القماش: خفيف وبيتنفّس
- أحسن استعمال: وقت الراحة، النوم، أو حركة خفيفة بالبيت
شو بالعلبة
- مقوّم غينورا للبانيون × 1
- فواصل جل للإصبع × 2 — هدية مع كل طلب
توصيل 4$ ثابت لكل لبنان · الدفع عند الاستلام · منتّصل نأكّد كل طلب · واتساب 76 723 276
معمول للراحة والدعم، مش كجهاز طبّي. إذا عندك حالة بإجرك مشخّصة من دكتور، استشيرو قبل الاستعمال.
